03, აგვისტო 2021 21:40:00
ბათუმის საკრებულომ, წინასაარჩევნო სააგიტაციო მასალების განთავსების ადგილების შესახებ გადაწყვეტილება მიიღო. დეპუტატებმა იმსჯელეს, თუ რომელ ადგილზე იქნება შესაძლებელი წინასაარჩევნო ღონისძიებების ჩატარება. ისაუბრეს „იაფი სახლის“ პროექტთან დაკავშირებითაც. 40-მდე ბენეფიციარი უკვე შერჩეულია. პროექტი დასრულებულია და უახლოეს პერიოდში საცხოვრისების გამოსყიდვის უფლებით გადაცემა იგეგმება. სხდომაზე 15 საკითხი განიხილეს, მათ შორის, ბათუმში, ქუჩებსა და სკვერებზე სახელების მინიჭება. დეპუტატების კითხვებს, დანიშნული ბათუმის მერის მოვალეობის შემსრულებელი არჩილ ჩიქოვანი პასუხობდა. სხდომას კვლავ არ ესწრებოდნენ ნაციონალური მოძრაობის წევრები.