მედიის კრიტიკის ფონზე დაწყებული ქედის საკრებულოს სხდომა. საუბარია TV25-ის ეთერში გუშინ გასულ რეპორტაჟზე, რომელიც მუნიციპალიტეტის წარმომადგენლობითი ორგანოს პასიურ დეპუტატებს შეეხებოდა. თავმჯდომარემ ჩვენი ჟურნალისტი საკრებულოს წევრების რეპუტაციის შელახვაში დაადანაშაულა. არადა „მაცნეს“ ეთერში გასული სიუჟეტი არასამთავრობო ორგანიზაციის კვლევას ეყრდნობოდა. საზოგადოებრივი განვითარების აკადემია წერდა, რომ ქედის წარმომადგებლობითმა ორგანომ, ადგილობრივი ბიუჯეტიდან 40 ათას 200 ლარი პასიური დეპუტატების ხელფასებისთვის გახარჯა.
ქედის საკრებულოს თავმჯდომარემ, დღევანდელი სხდომა, მედიისა და არასამთავრობო ორგნიზაციის კრიტიკით დაიწყო. შუქრი თურმანიძის რვა წუთიანი მონოლოგი, 5 აგვისტოს „მაცნეში“ გასულ იმ სიუჟეტს ეხებოდა, რომელიც თანამდებობის მქონე პასიურ დეპუტატებზე მოვამზადეთ. მისი განცხადებით, ამ რეპორტაჟში წარმომადგენლობითი ორგანოს წევრების რეპუტაცია შეილახა.
ჩვენი კრიტიკის შემდეგ, დეპუტატები დღის წესრიგით გათვალისწინებული საკითხების განხილვას შეუდგნენ. სხდომაზე, წარმომადგებლობითმა ორგანომ გადაწყვიტა თუ სად შეიძლება განთავსდეს საარჩევნო პლაკატები და სად არა. დაამტკიცეს იმ შენობა-ნაგებობათა ჩამონათვალიც, სადაც საარჩევნო ღონისძიებების ჩატარება დასაშვებია.
დღევანდელ სხდომას ოპოზიცი ბოიკოტის მიზეზით ისევ არ დაესწრო. ფრაქცია „ერთიანი ნაციონალური მოძრაობის“ თავმჯდომარე აცხადებს, რომ პლაკატების გასაკრავად უმჯობესია 10-ვე თემისთვის ბანერები დამზადდეს.
დღევანდელ სხდომას ქედაში, 24 დეპუტატიდან, მხოლოდ 16 დეპუტატი დაესწრო.
3
s
s
s