14, აგვისტო 2021 16:45:00
ბათუმისა და ქობულეთის სასწრაფო სამედიცინო დახმარების ცენტრს სპეცმანქანები გადაეცა. მაღალი გამავლობის ავტომობილები დაწესებულებას საქართველოს ჯანდაცვის მინისტრმა გადასცა.
ეკატერინე ტიკარაძის განმარტებით, ეს სამედიცინო ბრიგადების მომსახურებას კიდევ უფრო ეფექტურს გახდის.
მინისტრმა აჭარის ყველა მუნიციპალიტეტში ახალი სასწრაფო დახმარების ცენტრის თანამედროვე ტიპის შენობების აგებაც დაანონსა. თქვა, რომ მედპერსონალი გაუმჯობესებულ პირობებში უნდა მუშაობდეს.