19, აგვისტო 2021 21:40:00
2021 წლის სტუდენტთა საგრანტო კონკურსის შედეგები ცნობილია. ინფორმაციას შეფასებისა და გამოცდების ეროვნული ცენტრი აქვეყნებს. სააპელაციო განაცხადების შეტანა 20 აგვისტოს , 10:00 საათიდან 24 აგვისტოს 18:00 საათამდეა შესაძლებელი ელექტრონულად. განაცხადის შევსებამდე სტუდენტთა საგრანტო კონკურსში მონაწილემ უნდა გადაიხადოს აპელაციის საფასური – 50 ლარი, დანიშნულებაში კი აპლიკანტის გვარი, სახელი და პირადი ნომერი მიუთითოს. იმ შემთხვევაში, თუ სტუდენტი უცხო ქვეყნის მოქალაქეა, საჭირო იქნება პირადობის (ბინადრობის) მოწმობა/პასპორტის სერია და ნომერი.