25, აგვისტო 2021 21:59:00
აჭარის სოფლის მეურნეობის მინისტრი ხელვაჩაურში, თხილის გადამუშავების პროცესს გაეცნო. გიორგი სურმანიძე საწარმოში „აჭარა თხილი“ იმყოფებოდა. ქარხანა ნედლეულს ადგილობრივი ფერმერებიდან იღებს და სეზონზე 800 ტონა თხილს გადაამუშავებს. წარმოებული პროდუქციის რეალიზაცია, გარდა ადგილობრივი ბაზრისა, ევროპის ქვეყნებშიც ხდება. ამჟამად საწარმოში 40 ადამიანია დასაქმებული.