აჭარაში ვაქცინაციის პროცესი ყოველდღიურად ფართოვდება. Covid-19-ის საწინააღმდეგო აცრის კიდევ უფრო ხელმისაწვდომობის მიზნით ახალი სივრცე ქობულეთის მუნიციპალიტეტში, კოლეჯ "ახალი ტალღას" შენობაში გაიხსნა.
აქ მოქალაქეებს ვაქცინაცია წინასწარი რეგისტრაციის გარეშე შეუძლიათ. ადგილობრივებს მომსახურების მიღება 10:00-დან 17:00 საათამდე შეუძლიათ.
მუნიციპალიტეტში მიმდინარე იმუნიზაციის პროცესში დღეს, აქ მცხოვრები ბოშებიც ჩაერთნენ. ინფორმაციას რეგიონის ჯანდაცვის სამინისტრო ავრცელებს.
ცნობისთვის, ვაქცინაცია წინასწარი ჯავშნის მეშვეობით შესაძლებელია "ქობულეთის სამედიცინო ცენტრსა" და "ქობულეთის ევექსის ჰისპიტალში". პერიოდულად აცრა ტარდება ქობულეთის სასოფლო საექიმო ამბულატორიებში.
დღემდე აჭარაში ჩატარებულია კორონავირუსის საწინააღმდეგო 149 341 დოზა ვაქცინა. ორი დოზით აცრილია 49 234 მოქალაქე, რაც მოსახლეობის პროცენტულ მაჩვენებლზე ასე ნაწილდება, ერთი დოზით აცრილია მოსახლეობის 28,4%, ორი დოზით აცრილია 14%.
13
s
s
s