23, სექტემბერი 2021 15:36:00
„ერთიანი ნაციონალური მოძრაობა“ ხელვაჩაურის მერის მოადგილეს ზეწოლაში ადანაშაულებს. პარტიაში აცხადებენ, რომ ისინი მეწყრული პროცესებით დაზარალებულებთან ერთად, მუნიციპალიტეტის მერთან შესახვედრად მივიდნენ. ხელისუფლების ოპონენტები, ამბავს ფეისბუქ ლაივის საშუალებით აშუქებდნენ, რა დროსაც, მათი მტკიცებით, კახაბერ ფუტკარაძემ მათ ტელეფონი წაართვა და ტრანსლაციის შეწყვეტა მოსთხოვა. ფაქტს თავად ფუტკარაძე არ უარყოფს. ამბობს, რომ „ნაციონალური მოძრაობა“ მოსახლეობით მანიპულირებას ცდილობდა და სწორედ ეს გახდა აღნიშნულის მიზეზი.