02, ოქტომბერი 2021 14:41:00
12 საათის მონაცემებით, აჭარაში, არჩევნებზე სულ 60 271 ამომრჩეველი მივიდა. მაჩვენებელი რეგიონის ამომრჩეველთა 19.2%-ია.
რაც შეეხება აქტივობას ოლქების მიხედვით, იგი ასე გადანაწილდა:
ყველაზე მაღალი მაჩვენებელი აჭარაში შუახევში დაფიქსირდა, სადაც 12 საათისთვის 3 401-მა (22.6%) ამომრჩეველმა მისცა ხმა, შემდეგ მოდის ხელვაჩაური – 9 580 (21.6%), ქედა – 3 285 (21%), ქობულეთი – 13 123 (19.5%), ბათუმი 26 630 (18%) ხმით, სულ ბოლოს კი ხულო, სადაც 4 252 (17.6%) ადამიანმა მისცა ხმა.
2 ოქტომბრის ადგილობრივი თვითმმართველობის არჩევნებზე აჭარაში 314 644 ამომრჩეველია რეგისტრირებული.