04, ოქტომბერი 2021 23:20:00
ევროპული საბჭოს პრეზიდენტი, შარლ მიშელი, 2 ოქტომბერს ჩტარებულ თვითმმართველობის არჩევნების შესახებ კომენტარს ავრცელებს და აღნიშნავს, რომ საქართველომ ახლა სიღრმისეული სტრუქტურული რეფორმების განხორციელებაზე უნდა იზრუნოს, როგორც 19 აპრილის შეთანხმებაშია გაწერილი.
"მივესალმები ყველა ქართველს, რომელმაც ადგილობრივ არჩევნების პირველ ტურში თავისი არჩევანი გააკეთა. მნიშვნელოვანია, რომ ახლა ქვეყნის ფოკუსი დაუბრუნდეს სიღრმისეულ სტრუქტურულ რეფორმებს, როგორც ეს არის გაწერილი 19 აპრილის შეთანხმებაში, განსაკუთრებით კანონის უზენაესობისა და სასამართლო სისტემის სფეროში" - განაცხადა ევროპული საბჭოს პრეზიდენტმა.
ცნობისთვის, შარლ მიშელი ოპოზიციასა და ხელისუფლებას შორის შუამავლის როლს თამაშობდა.
ადგილობრივი თვითმმართველობის არჩევნები საქართველოში 2 ოქტომბერს ჩატარდა.