04, ოქტომბერი 2021 23:34:00
საქართველოს სპორტის კულტურისა და ახალლგაზრდობის მინისტრმა, თეა წულუკიანმა 2 ოქტომბრის თვითმმართველობის შედეგებზე ისაუბრა და აღნიშნა, რომ გიორგი გახარია "ოცნებისთვის" ზიანის მოსაყენებლად გამოვიდა პოლიტიკურ ასპარეზზე.
"თუ ვინმეს საზეიმოდ აქვს საქმე ოპოზიციაში, ეს ალბათ გახარიაა. იმიტომ რომ მან არაერთ ქალაქში, პირველ რიგში ზუგდიდში, ასევე სხვაგან, იძია შური საკუთარ პარტიაზე წარმატებით და ის დაამტკიცა, რასაც ჩვენ ვამბობდით, რომ ის პოლიტიკურ ასპარეზზე გამოვიდა ქართული ოცნებისთვის ხმების წასართმევად და ჩვენთვის ზიანის მოსაყენებლად. შესაბამისად ეს რა თქმა უნდა არ არის მოსაწონი საქციელი და ადამიანურად დასანანია. მინდა ყველა მის ამომრჩეველს, რომლებიც ჩვენი ამომრჩევლები იყვნენ, ვუთხრა, რომ იმედია ამ შედეგმა თქვენ თვალები აგიხილათ, რომ მან შური იძია ქართულ ოცნებაზე" - განაცხადა თეა წულუკიანმა.
ცნობისთვის, არჩევნების შედეგების მიხედვით, 5 დიდ ქალაქში მეორე ტური გაიმართება.