05, ოქტომბერი 2021 14:22:00
„არც ჩვენ დავახევთ კალთებს გახარიას თანამშრომლობისთვის“ - ეს „ქართული ოცნების“ აღმასრულებელმა მდივანმა თქვა. მამუკა მდინარაძე ამ ფორმით, პარტია „საქართველოსთვის“ თავმჯდომარის, გიორგი გახარიას განცხადებას გამოეხმაურა, რომლის მიხედვითაც ექსპრემიერი, არჩევნების მეორე ტურზე მხარს არც მმართველ გუნდს და არც „ნაციონალურ მოძრაობას“ დაუჭერს. მდინარაძე დარწმუნებულია, რომ კენჭისყრის მეორე ტურში გაიმარჯვებენ და სპეკულაციურად დასმულ კითხვას რეფერენდუმთან მიმართებაში საკადრის პასუხს გასცემენ.