05, ოქტომბერი 2021 16:59:00
საქართველო, რა თქმა უნდა, გადასცემს უკრაინას სააკაშვილს მას შემდეგ, რაც ის მოიხდის სასჯელს საქართველოში, - იცით რომ ექვსი წელი აქვს შეფარდებული, - ამის შესახებ ჟურნალისტებთან საპარლამენტო უმრავლესობის წევრმა განაცხადა.
შალვა პაპუაშვილის თქმით, საქართველო არ აპირებს უკრაინულ მხარეს გადასცეს სააკაშვილი.
„სამი წელი აქვს შეფარდებული გირგვლიანის საქმეზე, 6 წელი დეპუტატ ვალერი გელაშვილის საქმეზე, ორი მიმდინარე საქმეა სასამართლოში და ერთი ბრალი დაიმატა, რომ შემოიპარა საქართველოში უკანონოდ.
სამართლებრივ მექანიზმებს რაც შეეხება გადაცემასთან დაკავშირებით, რაიმე მექანიზმი გადაცემის ვალდებულებისა, არ არსებობს, მათ შორის, ნებისმიერი ქვეყნის მოქალაქე, რომელიც საქართველოს ტერიტორიაზე ჩაიდენს დანაშაულს, ექვემდებარება ქართული მართლმსაჯულების მხრიდან მის გასამართლებას. საინტერესოა, რომ მიხეილ სააკაშვილი და მისი მომხრეები ხაზს უსვამენ მის უკრაინულ მოქალაქეობას, აქამდე ამბობდნენ, რომ ის საქართველოს პატრიოტი იყო. ეს არის მთელი აბსურდი და სამწუხარო რეალობა ჩვენი უახლოესი წარსულისა, რომ საქართველოს პრეზიდენტმა უარი თქვა საკუთარი ქვეყნის მოქალაქეობაზე, გახდა სხვა ქვეყნის მოქალაქე,"- განაცხადა პაპუაშვილმა.