06, ოქტომბერი 2021 15:05:00
"ევროპის სახალხო პარტია" მიხეილ სააკაშვილის დაპატიმრებას ეხმიანება და აღნიშნავს,რომ მისი დაკავება ქვეყანაში უფრო მეტად აღრმავებს პოლარიზაციასა და დაძაბულობას.
„საერთაშორისო დამკვირვებლების ანგარიშებში ხაზგასმულია დემოკრატიული სტანდარტების შემცირება, თავისუფალი და სამართლიანი საარჩევნო გარემოს არ არსებობა, არათანაბარი პირობები, ადმინისტრაციული რესურსების ბოროტად გამოყენება, დარღვევები და სიძულვილის ენა. გარდა ამისა, საქართველოს ყოფილი პრეზიდენტის, მიხეილ სააკაშვილის დაპატიმრება და პოლიტიკური დევნა კიდევ უფრო ზრდის დაძაბულობას და პოლიტიკურ პოლარიზაციას ქვეყანაში. ბოლო რამდენიმე დღის განმავლობაში, მმართველი პარტიის წამყვანმა ფიგურებმა გააკეთეს შეუწყნარებელი და პროვოკაციული განცხადებები, რაც კიდევ ერთხელ ხაზს უსვამს პოლიტიკურად მოტივირებულ მართლმსაჯულებას საქართველოში, რაც რჩება ჩვენი ღრმა შეშფოთების საგნად,” - აღნიშნულია განცხადებაში.
„ევროპის სახალხო პარტია“ მოუწოდებს საქართველოს მთავრობას, გააუმჯობესოს პოლიტიკური გარემო, უზრუნველყოს მეორე ტურში თავისუფალი და სამართლიანი არჩევნები და შეწყვიტოს პოლიტიკური ოპონენტების დევნა.