10, ნოემბერი 2021 20:52:00
ცერემბრალური დამბლა, პაციალური ეპილეფსია - ეს თანდაყოლილი დაავადებები 17 წლის, მარიამს დაბადებიდან აქვს. შედეგად, იგი ჭარბწონიანია და დამოუკიდებლად ვერ გადაადგილდება. დედას მისი მოვლა ძალიან უჭირს, თუმცა ყველაზე დიდი ტვირთი მარტოხელა მშობლისთვის უსახსრობაა. თანხით, რომელსაც სახელმწიფო ყოველთვიურად უხდის, რჩენა დღითიდღე უფრო და უფრო უჭირს.
განსაკუთრებული საჭიროების მქონე მარიამს, იმისათვის, რომ სიცოცხლე შეინარჩუნოს, მუდმივად სჭირდება მედიკამენტების მიღება. ეს დედისთვის კიდევ ერთი სატკივარია, რადგან მხოლოდ ნათესავების იმედად რჩება. სამუშაოდ ვერსად მიდის. შვილის მარტო დატოვება არ შეიძლება.
სუსანიძეები, სახელმწიფოსგან თვეში 250 ლარს იღებს. ეს, მარიამისთვის გამოყოფილი თანხაა, რომელიც ჯანმრთელობის მდგომარების გამო ერიცხება. სოციალური დახმარება არ აქვს. ლეილა სუსანიძის დედა ფიქრობს, რომ სოციალურ სააგენტოში განცხადების დაწერას აზრი აქვს, რადგან ხელისუფლება უკიდურესად გაჭირვებულ მოქალაქეებზე არ ფიქრობს.
სამაგიეროდ ხელისუფლებაში ფიქრობენ, რომ სოციალურად დაუცველებს ეხმარებიან. აჭარის უმაღლესი საბჭოს ჯანდაცვის კომიტეტის თავმჯდომარის განცხადებით, ფულადი დახმარება მათთვის მომავალში გაიზრდება.
სოციალური მომსახურების სააგენტოში გვითხრეს, რომ მოქალაქემ მათ აუცილებლად უნდა მიმართოს, რადგან მდგომარეობას შესწავლის გარეშე გადაწყვეტილება ვერ მიიღება.