12, ნოემბერი 2021 10:26:00
აჭარაში, კორონავირუსმა კიდევ 2 ადამიანის სიცოცხლე იმსხვერპლა. ამის შესახებ ჯანდაცვის სამინისტრო იტყობინება.
უწყების ცნობით, გასულ დღე-ღამეში კოვიდით ინფიცირების 124 ახალი შემთხვევა გამოვლინდა. გამოჯანმრთელდა 156 პირი.
ამ ეტაპზე, მკურნალობას გადის - 1 872 ინფიცირებული, მათგან Covid კლინიკებში - 613, Covid სასტუმროებში - 267, ონლაინ კლინიკაში - 992.
შეგახსენებთ, ჯანდაცვის მსოფლიო ორგანიზაციამ კორონავირუსი პანდემიად 2020 წლის 11 მარტს გამოაცხადა. მანამდე კი, 30 იანვარს ჯანმომ კოვიდი გლობალურ საფრთხედ გამოაცხადა.
საქართველოში ვაქცინაცია პანდემიიდან 1 წლის შემდეგ, 2021 წლის 15 მარტიდან "ასტრაზენეკათი" დაიწყო.