17, ნოემბერი 2021 15:26:00
ხელვაჩაურის მუნიციპალიტეტში თანამედროვე სტანდარტებით აღჭურვილი მეფრინველეობის ფერმა მოეწყო. აჭარის სოფლის მეურნეობის სამინისტროს ინფორმაციით, იგი, ერთი თვის პერიოდში საშუალოდ 3-ტონამდე ნედლ ხორცს აწარმოებს. საწარმო, "სოფლად მეწარმეობის განვითარების ხელშეწყობის" საგრანტო პროგრამის ფარგლებში, სამინისტროს მიერ 99 ათას 630 ლარით დაფინანსდა. პროდუქციის რეალიზაცია, ძირითადად, ადგილობრივ აგრარულ ბაზარსა და სუპერმარკეტების ქსელში ხდება. ფერმაში 7 ადგილობრივია დასაქმებული.