18, ნოემბერი 2021 18:13:00
გალაკტიონ ტაბიძის 130 წლის იუბილეს აღსანიშნავად საქართველოს ხელნაწერთა ეროვნულ ცენტრში პოეტის აქამდე უცნობი ხელნაწერები გამოიფინა. ესენია: პოეტის პირადი წერილები, გამოუქვეყნებელი ლექსები, გიორგი ქუჩიშვილის უცნობი წერილი გალაკტიონისადმი, პოემა „ფერფლი“, რომლის მხოლოდ სახეცვლილი ვარიანტის ნაწილია გამოქვეყნებული, პოეტის ესკიზები და სხვა. პოეტის აქამდე უცნობი ხელნაწერების ხილვის შესაძლებლობა დამთვალიერებლებს წლის ბოლომდე შეეძლებათ.