23, ნოემბერი 2021 11:23:00
გორის გვირაბში საავტომობილო მოძრაობა დროებით შეიზღუდება. ამის შესახებ ინფორმაციას საავტომობილო გზების დეპარტამენტი ავრცელებს. დეპარტამენტის თქმით, გვირაბში პროფილაქტიკური სამუშაოები განხორციელდება 24-25 ნოემბერს. კერძოდ, 24 ნოემბრის 23:00 საათიდან 25 ნოემბრის 02:00 საათამდე გვირაბის სენაკი-თბილისის, ხოლო 25 ნოემბრის 02:00 საათიდან 05:00 საათამდე გვირაბის თბილისი-სენაკის მიმართულებებზე იკრძალება ყველა სახის ავტოტრანსპორტის მოძრაობა.
„საავტომობილო გვირაბის თბილისი-სენაკის მიმართულების ჩაკეტვის პერიოდში ავტოტრანსპორტის ნაკადი გადაერთვება გვირაბის სენაკი-თბილისის მიმართულებაზე და სენაკი-თბილისის მიმართულება გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე.აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით“ , - ნათქვამია ინფორმაციაში.