25, ნოემბერი 2021 21:46:00
აქცია იყო დედაქალაქშიც. „ქართული ოცნების“ ოფისთან სამოქალაქო აქტივისტებმა, ნუგზარ ფუტკარაძის საქმის გამო, აჭარის მთავრობის თავმჯდომარის პოსტიდან გადადგომა მოთხოვეს. ადგილზე მისულებს პოლიცია შენობის წინ დადგომის უფლებას არ აძლევდა. სამართალდამცავები ამბობდნენ,რომ აქციის ჩატარება იქ ნებადართული არ იყო. გუშინ,გამართულ ბრიფინგზე, ბათუმის მერობის ყოფილმა კანდიდატმა გიორგი კირთაძემ თქვა, რომ ახალი საკრებულოს გარდაცვლილ წევრზე ნუგზარ ფუტკარაძეზე თორნიკე რიჟვაძის მამის დავალებით, ზეწოლას ახდენდნენ. მისივე განცხადებით, მმართველ გუნდს უმრავლესობისთვის ნაციონალური მოძრაობის ფრაქციიდან ერთი დეპუტატის გადაბირება სჭირდებოდა.