29, ნოემბერი 2021 10:42:00
ტყიბულში, ნახშირის ღია კარიერი ჩამოინგრა. შედეგად, დაშავებული 64 წლის კაცი გარდაიცვალა. იგი ქუთაისის რეფერალურ ჰოსპიტალში, რეანიმაციულ განყოფილებაში მკურნალობდა.
მედიკოსების ინფორმაციით, პაციენტის ჯანმრთელობის მდგომარეობა კრიტიკული იყო.
ცნობისთვის, 27 ნოემბერს, ტყიბულში, ნახშირის ღია კარიერში დიდი რაოდენობით მიწის მასა ჩამოიშალა და ორი ადამიანი მოიყოლა. ერთ-ერთი მათგანი მაშველებმა გარდაცვლილი ამოიყვანეს. მეორე კი დღეს საავადმყოფოში გარდაიცვალა.
მომხდარზე გამოძიება 240-ე მუხლით დაიწყო.