29, ნოემბერი 2021 13:42:00
ქვეყნის მესამე პრეზიდენტი განსასჯელის სკამზე. მიხეილ სააკაშვილი სასამართლო დარბაზში მიიყვანეს. ეს პირველი შემთხვევაა, როცა ექს პრეზიდენტი მის მიმართ წარდგენილი ბრალის განხილვას ესწრება. საქმეს, თბილისის საქალაქო სასამართლო, სამი მოსამართლის შემადგენლობით განიხილავს. დღევანდელი პროცესი 7 ნოემბრის საქმეს ეხება. აქციის დარბევის, „ტელეიმედში“ შეჭრისა და მთაწმინდის პარკის ჩამორთმევის საქმეზე უფლებამოსილების გადამეტების ბრალდება წარდგენილი აქვთ მიხეილ სააკაშვილს, დავით კეზერაშვილს, ზურაბ ადეიშვილს, გიგი უგულავასა და ვანო მერაბიშვილს.