01, დეკემბერი 2021 17:43:00
აჭარას, იბიარდის კავკასიის რეგიონული დირექტორი კატარინა ბიორლინ ჰანსენი სტუმრობს. იგი ადგილობრივი მთავრობის წარმომადგენლებს შეხვდა. განიხილეს ევროპის რეკონსტრუქციისა და განვითარების ბანკის პროექტების მიმდინარეობა და სამომავლო თანამშრომლობის პერსპექტივები. აჭარის მთავრობის ინფორმაციით, იბიარდთან ერთად ბათუმში იგეგმება სატრანსპორტო პოლიტიკის გაძლიერება, ეკოლოგიური პროექტების სრულყოფა და მუნიციპალური სერვისების გაუმჯობესება. ევროპის რეკონსტრუქციისა და განვითარების ბანკი წამყვანი ინსტიტუციური ინვესტორია საქართველოში. 1992 წელს ქვეყანაში ოპერირების დაწყებიდან ბანკმა 4,2 მილიარდ ევროზე მეტი ინვესტიცია განახორციელა.
1
s
s
s