01, დეკემბერი 2021 20:16:00
ახალი რეგულაცია, რომელიც ქვეყანაში დღეს ამოქმედდა, ძირითადად, საზოგადოებრივი თავშეყრის ადგილებზე ვრცელდება. აღსანიშნავია, რომ მოთხოვნა, მხოლოდ, განსაზღვრული ობიექტების სტუმრებზე ვრცელდება და არა იქ დასაქმებულ პერსონალზე, რასაც საზოგადოების ნაწილი გადაწყვეტილების ხარვეზად მიიჩნევს. რესტორატორთა ბიზნეს ასოციაციის ხელმძღვანელის თქმით, თუ კი, მხოლოდ, მწვანე სტატუსის მქონე პირი შეძლებს სხვადასხვა სერვისით სარგებლობას, ამ სერვისს, სწორედ, შესაბამისი ბარათის მქონე პირებისგან უნდა იღებდეს.
მწვანე პასპორტების მოქმედება, ჯერჯერობით, საზოგადოებრივ ტრანსპორტსა და მაღაზიებზე არ ვრცელდებადა. ანუ, იქ სადაც მოქალაქეთა მობილობა საკმაოდ მაღალია. ჯანდაცვის სამინისტროში ამბობენ, რომ ახალი რეგულაციის ეფექტურობის შესაბამისად, შესაძლოა, ე.წ მწვანე პასპორტების მოთხოვნა შესაძლოა აღნიშნულ სივრცეებზეც გავრცელდეს.
ექიმების ნაწილი ხარვეზად მიიჩნევს, იმასაც, რომ მწვანე სტატუსი ენიჭება ყველას, ვისაც კორონავირუსი გადატანილი აქვს. მედიკოსების თქმით, მწვანე პასპორტის მფლობელი, მხოლოდ, ის აუცრელი პირები უნდა გახდნენ, ვინც კორონავირუსი, ბოლო 6 თვის ინტერვალში დაუდასტურდა. სპეციალისტები ამბობენ, რომ ანტისხეულები ორგანიზმში, საშუალოდ, 6 თვის განმავლობაში რჩება, შესაბამისად, სწორედ, ამ პერიოდით უნდა გაიცემოდეს მწვანე ბარათებიც.
როგორ უნდა მოხდეს აღსრულება, რომ რეალურად "მწვანე პასპორტის ფუნქცია, მხოლოდ დაწესებულებაში შესვლა გამოსვლაზე შეზღუდვა არ იყოს. კონტროლი შრომის ინსპექციის პრეროგატივაა. სამსახურის ხელმძღვანელი ფიქრობს, რომ პრობლემას დაწესებული სანქციები და შესაბამისი კონტროლი მოაგვარებს. აღსანისნავია, რომ პანდემიის პერიოდში დანერგილი შეზღუდვები, ისე არ სრულდებოდა, როგორც ამას საკოორდინაციო საბჭო ადგენდა.
მწვანე ბარათის არმქონე პირის ობიექტზე შესვლის შემთხვევაში, ბიზნეს სუბიექტს დააჯარიმებენ და არა მოქალაქეს. რეგულაციის დარღვევის გამო, ინდმეწარმე 2 ათასი, ხოლო იურიდიული პირი 10 ათასი ლარით დაჯარიმდება.