21, ოქტომბერი 2017 12:19:00
საარჩევნო უბანზე ამომრჩეველი 3 ბიულეტენს - ღია ცისფერს, ვარდისფერსა და ღია მწვანე ფერის ბიულეტენებს მიიღებს. ცისფერი ფერის ბიულეტენი განკუთვნილია პროპორციული არჩევნებისთვის პარტიის ან საარჩევნო ბლოკის ასარჩევად. ვარდისფერი ბიულეტენი - საკრებულოს მაჟორიტარი წევრის ასარჩევად, ხოლო მესამე - ღია მწვანე ფერის ბიულეტენი - თვითმმართველი ქალაქის ან თვითმმართველი თემის მერის ასარჩევადაა განკუთვნილი. ცესკო-ს ინფორმაციით, საერთო ჯამში, ცხრა სტამბაში 9 546 450 ბიულეტენი დაიბეჭდა. კენჭისყრა 08:00 საათიდან 20:00 საათამდე გაიმართება.