25, ოქტომბერი 2017 17:09:00
მეუფე დიმიტრიმ მსჯავრდებული დეკანოზი, გიორგი მამალაძე მოინახულა. მატროსოვის ციხის დატოვების შემდეგ მეუფემ გიორგი მამალაძესთან შეხვედრის დეტალებზე ისაუბრა. მისი განცხადებით, დეკანოზთან შეკვეთილ სტატიებთან დაკავშირებით მკაცრი საუბარი ჰქონდა. შიოლაშვილმა აღნიშნა, რომ მამალაძესთან ასევე, სხვადასხვა საკითხზეც ისაუბრა. მსჯავრდებული, მიტროპოლიტთან შეხვედრას დაკავებისთანავე ითხოვდა. გიორგი მამალაძეს თბილისის საქალაქო სასამართლომ 9 წლით თავისუფლების აღკვეთა 5 სექტემბერს მიუსაჯა.