14, დეკემბერი 2017 14:03:00
შინაგან საქმეთა სამინისტროს თანამშრომლებმა გერმანიის ინტერპოლის მიერ ძებნილი თურქეთის მოქალაქე სარფში დააკავეს. პირი თურქეთიდან საქართველოში შემოსვლისას აიყვანეს. დაკავებულს ბრალი თაღლითობაში, დოკუმენტების გაყალბებასა და სხეულის მძიმე დაზიანებაში ედება, რაც თავისუფლების აღკვეთას გულისხმობს. ამ ეტაპზე დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.