22, მარტი 2018 14:12:00
შემთხვევა ქობულეთის მუნიციპალიტეტში. ლეღვას საჯარო სკოლის მოსწავლე მეორე დღეა, რაც დაწესებულებაში არ მისულა. ამის მიზეზი კი სავარაუდოდ, მუქარა გახდა. სკოლის დირექტორის ინფორმაციით, მესამე კლასელს მობილურზე ურეკავდნენ და ემუქრებოდნენ. მანონი მამულაიშვილის თქმით, მოსწავლეს საშიშ ინტერნეტ თამაშში ჩართვას აიძულებდნენ. ბავშვი ფსიქოლოგის მეთვალყურეობის ქვეშ იმყოფება. ფაქტზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. ბავშვის მშობლები საგამოძიებო ორგანოში დაკითხვაზე უკვე იმყოფებოდნენ.