14, თებერვალი 2017 11:29:11
აჭარის ტურისტულმა შესაძლებლობებმა და ქართულმა სამზარეულომ ესტონელების მოწონება დაიმსახურა. ბალტიისპირეთში ყველაზე ძველ და ფართომასშტაბიან გამოფენაზე აჭარის ტურიზმის დეპარტამენტმა კულინარიული მასტერკლასებისას ვიზიტორებისთვის იქვე მოამზადა აჭარული ხაჭაპური, ჩურჩხელები და სხვა ქართული კერძები, რამაც სტუმრების განსაკუთრებული ჩართულობა და დაინტერესება გამოიწვია. როგორც უწყებაში ამბობენ, ესტონელი ვიზიტორების მოზიდვის მიზნით წელს პირველად, მარკეტინგულ და პიარ კამპანიებს ესტონეთშიც იწყებენ. გამოფენის ფარგლებში დეპარტამენტის წარმომადგენლები უკვე შეხვდნენ სარეკლამო კომპანიებისა და ტურსააგენტოების წარმომადგენლებს, რომლებიც გეგმავენ ესტონელი ტურისტები საქართველოს ტურისტული პოტენციალით დააინტერესონ.