14, თებერვალი 2017 08:28:00
რუსთავის მეექვსე სასჯელაღსრულების დაწესებულება რამდენიმე წუთის წინ დატოვა დეკანოზ გიორგი მამალაძის ადვოკატმა. გიორგი ფანცულაიას, თქმით ბრალდების შინაარსზე იგი ამ ეტაპზე ვერ ისაუბრებს, თუმცა ადასტურებს, რომ იზიარებს სახალხო დამცველის პოზიციას. ადვოკატმა საქმეზე გაუთქმელობის მოსახსნელად საქართველოს პროკურატურას უკვე მიმართა. გადაწყვეტილებას ფანცულაია იმით ხსნის, რომ ბრალდების მხარემ მისი არგუმენტების დიდ ნაწილზე უკვე ისაუბრა და საზოგადოება ცალმხრივი ინფორმაციის ქვეშ მოაქცია, დაცვის მხარეს კი საკუთარი არგუმენტების გასაჯაროებისა და მათი გაბათილების საშუალება არ მიეცათ. ფანცუალაია იმასაც ამბობს, რომ მათი სიმართლე ბრალდების მხარის არგუმენტებისგან რადიკალურად განსხვავდება. ადვოკატი დაკავებულის ჯანმრთელობის მდგომარეობაზეც საუბრობს და ამბობს, რომ დეკანოზ გიორგის მაღალი სიცხე აქვს, თუმცა იგი მედიკამენტოზური მკურნალობის ქვეშაა.