20, აგვისტო 2018 20:39:00
ბათუმში, მწვრთნელებისთვის საერთაშორისო სემინარი ჩატარდა. მასში მონაწილე 24 მწვრთნელიდან სპეციალური ტესტით ჭიდაობის მიმართულებით 16 წარმატებული მწვრთნელი შეირჩა. ისინი საერთაშორისო პირველი დონის სერთიფიკატებით დაჯილდოვდნენ. ასევე, მსოფლიოს ყველა ქვეყანაში სპეციალობით მუშაობის უფლება მიენიჭათ. სემინარი საერთაშორისო ოლიმპიური სოლიდარობის ფონდის დაფინანსებით, საქართველოს პარლამენტის სპორტისა და ახალგაზრდულ საქმეთა კომიტეტის პატრონტაჟით, საქართველოში ქალთა ჭიდაობის განვითარების პროგრამის ფარგლებში ჩატარდა.