05, სექტემბერი 2018 20:39:00
თურქეთის სასაზღვრო-გამშვები პუნქტის სარეაბილიტაციო სამუშაოების პასუხისმგებელი პირების განცხადებით ოქტომბრის ბოლოდან საბაჟო პუნქტი განახლებული სახით დაიწყებს ფუნქციონირებას. აჭარის მთავრობის თავმჯდომარე თორნიკე რიჟვაძე საქართველო-თურქეთის სასაზღვრო-გამშვებ პუნქტს ეწვია, სადაც თურქეთის სავაჭრო პალატებისა და ბირჟების გაერთიანების თავმჯდომარეს შეხვდა და თურქული მხარის მიერ საბაჟოზე მიმდინარე სარეაბილიტაციო სამუშაოები დაათვალიერა. თორნიკე რიჟვაძე სამუშაოებთან დაკავშირებულ სპეციალურად მომზადებულ პრეზენტაციასაც დაესწრო.