07, სექტემბერი 2018 20:17:00
სოფელ ლეღვაში მომხდარ შემთხვევაზე გამოძიება სისხლის სამართლის კოდექსის 116 მუხლით დაიწყო, რაც გაუფრთხილებლობით სიცოცხლის მოსპობა გულისხმობს. ჩვენი წყაროს ინფორმაციით, გარდაცვლილია მეათე კლასელი გოგო. სავარაუდოდ, გოგო არასრულწლოვანი ძმის მიერ შემთხვევით გასროლილმა ტყვიამ იმსხვერპლა. მომხდარის დეტალებზე შინაგან საქმეთა სამინისტროში არ საუბრობენ. ქობულეთის მუნიციპალიტეტის მერის წარმომადგენლის თანაშემწის თქმით, ადგილზე იმყოფებობიან სამართალდამცავები. ვიტალი რომანაძე ჩვენთან სატელეფონო საუბრისას განმარტავს, რომ მომხდარის შესახებ სოფელში სხვადასხვა ვერსიები ვრცელდება, თუმცა მიზეზებზე ვერ ისუბრებს.