საზოგადოებრივი მაუწყებლის „აჭარის ტელევიზიის“ ყოფილი თანამშრომლის, ირაკლი აბარამიძის სარჩელი, სასამართლომ, ნაწილობრივ დააკმაყოფილა. მოსამართლე ირმა ტოგონიძის გადაწყვეტილებით, მიმდინარე მაუწყებლის სამსახურის უფროსი თანამდებობაზე მას შემდგე აღდგება, თუ არხი გადაწყვეტილებას არ გაასაჩივრებს.
მოსამართლის გადაწყვეტილებას ირაკლი ბარამიძე დადებითად აფასებს და განმარტავს, რომ ამის მოლოდინი ჰქონდა. მაუწყებლის ყოფილი თანამშრომელი ახლა არხის მენეჯმენტის პოზიციას ელოდება.
ტელევიზიის იურისტი გია ქარცივაძე, ჩვენთან საუბარში აცხადებს, რომ გადაწყვეტილებას კანონის დადგენილ ვადებში გაასაჩივრებენ. ეს ვადა კი 30 დღეს მოიცავს.
მოსამართლის გადაწყვეტილებით, ტელევვიზია ვალდებულია გათავისუფლებულ თანამშრომელს ნაცდური ხელფასი აუნაზღაუროს. ირმა ტოგონიძემ ბარამიძის სარჩელი, საქმიანი რეპუტაციის შელახვის ნაწილში, არ დააკმაყოფილა.
შეგახსენებთ, საზოგადოებრივი მაუწყებლის აჭარის ტელევიზიის მიმდინარე მაუწყებლის სამსახურის უფროსი ირაკლი ბარამიძე სამსახურიდან გასული წლის მარტში გაათავისუფლეს.
ტელევიზიის იურისტის განცხადებით, მიზეზი მაუწყებლის კუთვნილი ვიდოეკამერის შენობიდან უნებართვოდ გატანას უკავშირდებოდა.
14
s
s
s