ქედა ტრადიციული დღესასწაულისთვის - ,,შემოდგომა ქედაში“ ემზადება. ღონისძება, 30 სექტემბერს გაიმართება, სადღესასწაული ღონისძიებებები კი, 11 საათიდან დაიწყება.
ფესტივალზე წელს სიახლეებია. ევროპის წელთან დაკავშირებით, მოეწყობა აგრო ბაზრობის გამოფენა - გაყიდვა, ,,სთრით - არტი“ და სხვა. საზეიმო დღისადმი დაგმილი პროგრამა კი, უკრაინის ქალაქ კრემენეცთან დამეგობრების მემორანდუმის გაფორმებით გაიხსნება.
დაგეგმილია ასევე, სპორტული აქტივობები, საბავშვო გასართობი პროგრამები, აჭარული კერძების მომზადების ინსცენირებები, სამუზეუმო ექსპონანტების, კულინარიული, ფოლკლორული, ეთნოგრაფიული და რეწვის ნიმუშების გამოფენები. ღონისძიება გალა-კონცერტით დაიხურება. დასკვნით ნაწილში კი რთველი და ღვინის დაწურვის ცერემონია გაიმართება.
ღონისძების ორგანიზებისთვის ადგილობრივი ბიუჯეტიდან 14 298 ლარი დაიხარჯება.
ტრადიციას საფუძველი გასული საუკუნის 30-იან წლებში ჩაეყარა, მაშინ ღონისძიებას ,,სასოფლო-სამეურნეო პროდუქტების გამოფენა“ ერქვა, შემდეგ ,,შრომის ზეიმი“.
ფესტივალი წლების განმავლობაში რამდენჯერმე შეწყდა. 1996 – 2003 წლებში კი, ღონისძიებას,,შემოდგომა ქედაში“ ეწოდა. ამავე სახელწოდებით 2006 წლიდან კვლავ განახლდა და მას შემდეგ ყოველ შემოდგომაზე აღინიშნება.
1
s
s
s