04, ოქტომბერი 2018 16:40:00
ბათუმის 26 - ე სკოლასთან არსებული ინკლუზიური თეატრალური დასი ,,ცისარტყელა“ საერთაშორისო ფესტივალში მონაწილეობს. ,,საზღვრების გადალახვა 2018“ - ის ფარგლებში, დასი, ხვალ სპექტაკლს ,,სამი გოჭი“ დადგამს.
,,საერთაშორი ფესტივალზე პირველად ვმონაწილეობთ. ეს დასისთვის ახალი ეტაპია, საშუალება გვეძლევა ჩვენი შემოქმედება სართაშორისო ასპარეზზე წარმოვაჩინოთ და ახალი ურთიერთობები დავამყაროთ,“ - ამბობს ,,ცისარტყელას“ რეჟისორი, ნიკოლოზ ტუღუში.
ფესტივალის მიზანია მონაწილეებმა ერთმანეთს გაუზიარონ და გაუღრმავონ ცოდნა, როგორ გადალახონ შესაძლებლობები რთულ და კრიზისულ სიტუაციებში.
ფესტივალის ფარგლებში ჩატარდება მასტერკლასები, ტრენინგები, მოეწყობა ფოტო - გამოფენა.
,,საზღვრების გადალახვა 2018“ ურეკში, 3 ოქტომბერს გაიხსნა და ხვალ დასრულდება. მასში სხვადასხვა ქვეყნის ხელოვნების გაერთიანებები ღებულობენ მონაწილეობას.