05, ოქტომბერი 2018 17:01:00
უამინდობის შედეგად ხელვაჩაურის რამდენიმე სოფელში მეწყრული პროცესი განვითარდა. მერიის პრესცენტრის ცნობით, ზედა ერგეში ჯიმშერ ომერაძის საცხოვრებელ სახლთან ახლოს ქვის ლოდი, ხოლო სოფელ მახოში ანზორ დუმბაძის საცხოვრებელთან მიწის მასა ჩამოშალა. სოფელ თხილნარში შერვაშიძეების დასახლებაში საავტომობილო გზაზე მიწის მასის ჩამოშლის გამო სატრანსპორტო მიმოსვლაა შეზღუდული. ხელვაჩაურის მუნიციპალიტეტის სტიქიასთან ბრძოლის შტაბი საგანგებო რეჟიმში მუშაობს.