10, ოქტომბერი 2018 11:03:00
აჭარაში 100 წელი კიდევ ერთ მოქალაქეს შეუსრულდა. ფატი მანელიშვილი ქობულეთის მუნიციპალიტეტის სოფელ ლეღვას მკვიდრია. უხუცეს იუბილეს დღეს აჭარის ჯანმრთელობისა და სოციალური დაცვის მინისტრი მიულოცავს. ზაალ მიქელაძე მანელიშვილს სამინისტროს პროგრამის ფარგლებში 1000 ლარი გადასცემს.
„100 წელს გადაცილებულ მოქალაქეთა ერთჯერადი მატერიალური დახმარების“ პროგრამას სამინისტრო 2004 წლიდან ახორციელებს. 2014 წლამდე თითოეულ მოქალაქეზე 500 ლარი გაიცემოდა, 2014 წლის შემდეგ თანხის ოდენობა გაიზარდა და 1000 ლარს შეადგენს.
ამ ეტაპზე აჭარაში 100 წლისა და 100 წელს გადაცილებული 36 მოქალაქე ცხოვრებს. ყველა მათგანი ქალია. მიმდინარე წელს 100 წელი 9 მოქალაქეს შეუსრულდა.