18, ოქტომბერი 2018 14:10:00
ხულოს მერისა და მოადგილის გადადგომასთან დაკავშირებით შეფასებები გაკეთდა მესამე სექტორში. ,,საერთაშორისო გამჭვირვალობა საქართველოში“ პროცესს გაუმჭვირვალეს უწოდებენ. მალხაზ ჭკადუა არჩეული მერის უპასუხისმგებლობასა და ამომრჩველების წინაშე ვალდებულებაზე საუბრობს. პოლიტიკურ გამოცდილებას უწუნებენ მელაძეს ,,დემოკრატიის ისნტიტუტში“. არჩილ ხახუტაიშვილის განცხადებით, კითხვის ნიშნები არსებობს და მიიჩნევს, რომ მსგავს შემთხვევებში თანამდებობის პირებმა გადადგომის შესახებ გადაწყვეტილება, მოსახლეობას დროულად და ამომწურავად უნდა მიაწოდონ.