28, ოქტომბერი 2018 08:59:00
ოპოზიციის ინფორმაციით, ხელვაჩაურის მეათე საარჩევნო უბანზე კომისიის თავჯდომარე შენობის გარე პერიმეტრზე გავიდა და "ქართული ოცნების" აქტივისტებს იმ ამომრჩევლების პირად მონაცემებს აწვდის, ვინც უკვე კენჭისყრის პროცესში მონაწილეობდა. "ნაციონალური მოძრაობის" წევრი გია აბულაძე ამბობს, რომ პარტიის წარმომადგენელი ფაქტზე საჩივრის დაწერას აპირებს. შემთხვევის ადგილზე მიემგზავრება ჩვენი გადამღები ჯგუფი და დამატებით დეტალებს მოგვიანებით შემოგთავაზებთ.