28, ოქტომბერი 2018 18:32:00
ქობულეთში, 68 017 ამომრჩევლიდან, 17:00 საათის მონაცემებით, 29 979 - მა მოქალაქემ, საკუთარი არჩევანი უკვე გააკეთა, რაც ამომრჩეველთა საერთო რაოდენობის 41 % -ს შეადგენს. 81 - ე ოლქში, 65 საარჩევნო უბანია გახსნილი.
ამომრჩეველთა ყველაზე დაბალი მაჩვენებელი ფიქსირდება ხელვაჩაურის საარჩევნო ოლქში. 17:00 საათის მონაცემებით, არჩევნებში მონაწილეობა აქ რეგისტრირებულმა 17 479 - მა მოქალქემ მიიღო, რაც ამომრჩეველთა სართო რაოდენობის 29 % -ს შეადგენს. 83 -ე ოლქში, 46 საარჩევნო უბანია გახსნილი, სადაც 44 898 ამომრჩეველია რეგისტრირებული. ამ დროისთვის ოლქში, სულ 5 საჩივარია შესული.
17:00 საათზე, 52, 3%- მა ადგილობრივმა მისცა ხმა ქედის ოლქში. აქ რეგისტრირებული 15 668 ამომრჩევლიდან, არჩევნებში მონაწილეობა 8 201 პირმა მიიღო. 80- ე საარჩევნო ოლქში, ხმის მიცემის პროცედურა 31 საარჩევნო უბანზე მიმდინარეობს. ხუთი საათის მონაცემებით, აღნიშნულ ოლქში არც ერთი საჩივარი არაა შესული.
ჯერჯერობით არც ერთი საჩივარი არაა შესული ხულოს ოლქშიც. აქ რეგისტრირებული 24 097 ამომრჩევლიდან, საკუთარი არჩევანი ჯერ მხოლოდ 10 852 - მა მოქალაქემ დააფიქსირა, რაც ამომრჩეველთა საერთო რაოდენობის 45 % -ს შეადგენს. 84 -ე ოლქში, სულ 54 საარჩევნო უბანია.
ამომრჩეველთა საერთო რაოდენობის დაახლეობით 46% გამოცხადდა შუახევის ოლქში. აქ რეგისტრირებული 15 097 ამომრჩევლიდან, 17:00 საათის მონაცემებით, ხმა მხოლოდ 7 052 -მა მოქალაქემ მისცა. 82 - ე საარჩევნო ოლქში სულ 49საარჩევნო უბანია გახსნილი. აღნიშნულ უბანზე ამ დროისთვის, მხოლოდ ოთხი საჩივარია შესული.
რაც შეეხება ბათუმს, ამავე პერიოდის მონაცემებით, 52 017 ამორჩეველმა უკვე გააკეთა საკუთარი არჩევანი, რაც ამომრჩეველთა საერთო რაოდენობის 36 % -ს შეადგენს. აქ სულ 103 საარჩევნო უბანია გახსნილი,სადაც 143 058 ამომრჩეველია რეგისტრირებული.
ცენტრალური საარჩევნო კომისიის მიერ გავრცელებული ინფორმაციით, 15:00 საათის მონაცემებით, ამომრჩეველთა აქტივობამ 30.98%,(1 085 730 ამომრჩეველი)შეადგინა.