აჭარაში, შუახევია ერთადერთი  ოლქი, სადაც 15:00 საათის მონაცემებით, არც ერთი საჩივარი არაა შესული.  ოლქის მიერ მოწოდებული ინფორმაციის თანახმად, ამ ეტაპზე საკუთარი პოზიცია 6 360 - მა მოქალაქემ დააფიქსირა, რაც ამომრჩეველთა საერთო რაოდენობის 42% -ს შეადგენს. 82 -ე საარჩევნო ოლქის თავმჯდომარის თქმით, ამომრჩეველთა აქტივობა წინა არჩევნებთან შედარებით 3 % -ითაა გაზრდილი. შუახევის ოლქში სულ 15 145 ამომრჩეველია რეგისტრირებული.

ამომრჩეველთა საერთო რაოდენობის 47 % მა მიიღო მონაწილეობა ქედაში. 15:00 საათის მდგომარებით, საკუთარი არჩევანი 7 477 მა ადამიანმა დააფიქსირა. ქედის 80- ე საარჩევნო ოლქის თავმჯდომარის თქმით, ამომრჩეველთა აქტივობა აქაც გაზრდილია.  

3% - ითაა გაზრდილი ამომრჩევლთა აქტივობა ხულოშიც.   84 - ე ოლქში რეგისტრირებული 24 128  ამომრჩევლიდან, ხმა უკვე 9 091 - მა ადმიანმა მისცა. აღნიშნულ ოლქში, სულ 54 უბანია.  ამ ეტაპზე აქ, მხოლოდ სამი საჩივარია დაწერილი, რომლებიც ძირითადად პროცედურული შინაარსისაა. 

ამომრჩეველთა საერთო რაოდენობის 41% - მა დააფიქსირა საკუთარი არჩევანი ხელვაჩარის ოლქშიც.  83 - ე ოლქში 65 უბანზე 68 065 ამომრჩველია რეგისტრირებული. 

ამომრჩეველთა გაზრდილ აქტივობაზე საუბრობს ქობულეთის ოლქის თავმჯდომარეც.  68 065 ამომრჩევლიდან, 15:00 საათისთვის, კენჭისყრის პროცესში მონაწილეობა 28 864 - მა ადამიანმა მიიღო. 

Tags:

გაზიარება

26