ტრამპი და პუტინი 15 აგვისტოს ალასკას შტატში ბაზაზე შეხვდებიან

აშშ-ის პრეზიდენტი დონალდ ტრამპი  და რუსეთის პრეზიდენტი ვლადიმირ პუტინი 15 აგვისტოს ანკორიჯში, ალასკას შტატში, ელმენდორფ-რიჩარდსონის ბაზაზე შეხვდებიან. ამის შესახებ CNN-ი თეთრი სახლის ორ წყაროზე დაყრდნობით აცხადებს.

როგორც CNN-ი წერს,  თეთრი სახლი იმედოვნებდა, რომ თავიდან აიცილებდა რუსული დელეგაციის გამოჩენას ამერიკული სამხედრო ობიექტის ტერიტორიაზე, თუმცა უსაფრთხოების მოთხოვნების დაკმაყოფილება მხოლოდ ამ ბაზაზე იქნება შესაძლებელი.

CNN-ის წყაროების ცნობით, ტრამპის ადმინისტრაციამ და კრემლმა ალასკა ხანგრძლივი კულისებში მოლაპარაკებების შემდეგ აირჩიეს. იმის გათვალისწინებით, რომ პუტინზე დაპატიმრების ორდერი გაცემული იყო საერთაშორისო სისხლის სამართლის სასამართლოს მიერ 2023 წელს, შეხვედრისთვის შესაფერისი ადგილების არჩევანი მცირე იყო.