14, სექტემბერი 2020 17:48:00
გაერთიანებულმა ოპოზიციამ ხელი კიდევ ერთ დეკლარაციას მოაწერა - ისინი საარჩევნო პერიოდში ქცევის კოდექსზე შეთანხმდნენ. პოლიტიკოსების თქმით, დოკუმენტი კიდევ ერთი დიდი მიღწევაა, რადგან ამით ადასტურებენ, რომ არც წინასაარჩევნო პერიოდში და არც არჩევნების დღეს მოქალაქეებზე ზეწოლა ან მათი მოსყიდვა არ მოხდება. შეგახსენებთ, რომ გაერთიანებულმა ოპოზიციამ ხმების დაცვის მექანიზმთან დაკავშირებით მემორანდუმი გააფორმა.