15, სექტემბერი 2020 17:10:00
აჭარაში კორონავირუსი რეკორდულად ზრდას არ წყვეტს. ბოლო 24 საათის განმავლობაში რეგიონში კოვიდ19-ის 124 ახალი შემთხვევა დაფიქსირდა. ინფიცირებულები უკვე დადასტურებული შემთხვევების ოჯახური კლასტერები არიან. დაინფიცირდა რამდენიმე პედაგოგიც. დღეის მდგომარეობით, აჭარაში, სამედიცინო დაწესებულებებში, 285 პაციენტია მოთავსებული. ამასთან, 129 უსიმპტომო პირი მკურნალობას საკარანტინე სივცეში გადის. რეგიონს, ჯამში 414 კოვიდინფიცირებული ჰყავს.