უკვე მესამე დღეა ხელვაჩაურის მერის მიერ ჟურნალისტის გინების ამბავს მთელი ქვეყანა განიხილავს. მიუხედავად ამისა, „ქართულ ოცნებას“ მკაფიო პოზიცია ამ დრომდე არ დაუფიქსირებია. მმართველ გუნდში უჭირთ თქმა როგორ აგებინებენ პასუხს თანამდებობის პირს ჟურნალისტზე უხამსი თავდასხმისთვის.
რესანი: როცა საჭიროდ ცავთვლი დაგიძახებთ......
"ქართული ოცნების" ბათუმის მაჟორიტარი დეპუტატობის კანდიდატმა პარლამენტში, ასეთი პასუხით სკანდალში გახვეული მერის ირგვლივ დასმული შეკითხვისას გაგვისტუმრა. რესან კონცელიძე ფიქრობს, რომ გუნდს შეფასება არ დაუგვიანია და კითხვაზე მხოლოდ მაშინ უნდა გვიპასუხოს, როცა თავად ჩათვლის საჭიროდ.
ბოდიშს მერის ნაცვლადაც იხდის, თუმცა უკიდურესად უხამსი ლექსიკით, ჟურნალისტის გინებისთვის, უნდა აგოს თუ არა პასუხი თანამდებობის დატოვებით ჯუმბერ ვარდმანიძემ - პასუხცის გაცემა უჭირს ადამიანის უფლებათა დაცვის კომიტეტის თამჯდომარეს უმაღლეს საბჭოში - ცოტნე ანანიძეს.
აჭარის უმაღლესი საბჭოს დამოუკიდებელი დეპუტატი - მერაბ ბლადაძე ფიქრობს, რომ იმპიჩმენტი მეტისმეტად მკაცრი სასჯელი იქნება. გამოდის ინიციატივით - თავად შეარიგოს მერი და ჟურნალისტი.
ცალსახად, იმპიჩმენტის დაყენებას ითხოვს "ერთიანი ნაციონალური მოძრაობა". ამბობენ, რომ თანამდებობის დატოვებით უნდა აგოს პასუხი უშვერი სიტყვებით ჟურნალისტზე თავდასხმისთვის.
საჯაროდ ბოდიშის მოხდა რომ პატიების საფუძველი არ უნდა იყოს, "ევროპულ საქართველოში" ოპოზიციის, სამოქალაქო სექტორის და საზოგადოების პოზიციას სრულად იზიარებენ.
ხელვაჩაურის მერის მიერ, ჟურნალისტის გინების ჩანაწერი 12 ოქტომბერს გასაჯაროვდა. ცალსახად მკაფიო პოზიცია და შეფასებები მმართველი გუნდიდან დღემდე არ მოგვისმენია.
3
s
s
s