ქობულეთის საკრებულოს „ქართული ოცნების“ დეპუტატმა საცხოვრებელს სახლში ბუნებრივი აირი კომპანიასთან შეთანხმების გარეშე უნებართვოდ შეიყვანა. TV25.GE-ს ინფორმირებული წყარო უყვება, რომ სულხან გორჯელაძე გაზს მრიცხველის გარეშე წლების განმავლობაში მოიხმარდა.
ფაქტი „სოკარ ჯორჯია გაზი აჭარას“ მენეჯმენტში დაგვიდასტურეს, სადაც გვითხრეს, რომ ადმინისტრაციულ სამართალდარღვევათა ოქმი შედგენილია და ახლა ზარალის დადგენა მიმდინარეობს. ბუნებრივი აირის უკანონოდ მოხმარების შესახებ ინფორმაცია კომპანიაში ანონიმური წყაროსგან შევიდა.
ქობულეთში, ჭავჭავაძის ქუჩის 12 ნომერში სულხან გორჯელაძე ოჯახთან ერთად, 2 სართულიან სახლში ცხოვრობს.
TV25.GE წყარო უწყება, რომ გორჯელაძეს გაზი წერტილი ორივე სართულზე ყველა ოთახში აქვს შეყვანილი.
მას შემდეგ, რაც კანონდარღვევა მაკონტროლებელმა დააფიქსირა ოჯახმა „სოკარ ჯორჯია გაზის“ წარმომადგენლებს განუცხადა, რომ ბუნებრივი აირი სახლში ედნარ გორჯელაძემ შეიყვანა, რომელიც გარდაცვლილია. ეს უკანასკნელი სულხან გორჯელაძის მამა იყო.
სულხან გორჯელაძემ ჩვენს კითხვებს მოუცლელობის მიზეზით არ უპასუხა.
ცნობისთვის, სულხან გორჯელაძე გარდა იმისა, რომ ქობულეთის საკრებულოს დეპუტატია, პარალელურად მერიის აიპშია დასაქმებული.
8
s
s
s