30, აპრილი 2021 17:47:00
ფონდმა "იალქანმა", ბათუმში, საერთაშორისო სტანდარტების დღის ცენტრი გახსნა. იგი რეგიონში ერთადერთია და 35-მდე ბავშვს მოემსახურება. სერვისები, ქუჩაში მცხოვრებ და კანონთან კონფლიქტში მყოფ მოზარდებზეა გათვლილი. აჭარის მთავრობის მიერ, შესაბამისი ფართის გამოყოფის შემდეგ, ცენტრმა პარტნიორი ორგანიზაციების მხარდაჭერა მოიპოვა. მათ შორის არიან, თურქეთის თანამშრომლობისა და კოორდინაციის სააგენტო „Tika“ და კომპანია "სილქროუდჯგუფი", რომლებმაც შენობის გარემონტებასა და შესაბამისი ინვენტარით აღჭურვაში მნიშვნელოვანი წვლილი შეიტანეს. "იალქანი", უახლოეს მომავალში, არაერთი პროექტის განხორციელებას გეგმავს.