03, მაისი 2021 17:29:00
ნიკა მელიას გათავისუფლების საკითხი კვლავ გაურკვეველია. იქიდან გამომდინარე, რომ საკანონმდებლო ორგანოში უმრავლესობას „ქართული ოცნება“ წარმოადგენს, არსებობს მოლოდინი, რომ მმართველი პარტია ამნისტიის საკუთარ პროექტს მიიღებს. პოლიტიკურ წრეებში ფიქრობენ, რომ მმართველი პარტია, მელიასთან ერთად, იმ ადამიანების ამნისტირებას დაუჭერს მხარს, ვინც 20 ივნისის საქმეზე მომავალში შეიძლება გასამართლდეს. კანონპროექტს მხარს არ უჭერს თავად დაპატიმრებული პოლიტიკური ლიდერი. მელია მზადაა, ევროკავშირის მიერ შეთავაზებულ გირაოს დათანხმდეს, თუმცა, მმართველმა გუნდმა კანონპროექტი პარლამენტში უკვე დაარეგისტრირა.