აქცია-პერფორმანსს ნაციონალური მოძრაობის და მიხეილ სააკაშვილის მხარდამჭერები, სამოქალაქო აქტივისტები, ცნობილი ადამიანები და პოლიტიკოსები შეუერთდნენ. მონაწილეებს ხელში წითელი ვარდები და საქართველო-ევროკავშირის დროშები ეჭირათ.
აქციის მონაწილეებმა, პროტესტის ამ ფორმით, ხელისუფლებას კიდევ ერთხელ შეახსენეს, რომ ახსოვთ დღე, რომელიც ცვლილებებს თავისუფლებას განვითარებასა და დიდ რეფორმებს უკავშირდება. ცოცხალ ჯაჭვში მონაწილე პირები ამბობენ, რომ სახელმწიფო ინსტიტუტების მშენებლობა უნდა გაგრძელდეს. მოქალაქეებმა ვარდების რევოლუციის მთავარ ფიგურას, საქართველოს მესამე პრეზიდენტს მადლობაც გადაუხადეს.
ცოცხალ ჯაჭვს წინ უძღოდა დედაქალაქის 8 ლოკაციაზე გამართული
აქცია-პერფორმანსი. მოქალაქეებმა ბარათაშვილის, ვახუშტის, მშვიდობისა და მშრალ ხიდებზე ბანერები გადმოფინეს წარწერით: ვარდების რევოლუცია. შეკრებილების თქმით, თარიღს საქართველოს განვითარება და თავისუფლება უკავშირდება.
აქციაში მონაწილე პოლიტიკოსები და სამოქალაქო აქტივისტები ამბობენ, რომ თავისუფლებისთვის ბრძოლა 18 წლის შემდეგაც გრძელდება. მათი მთავარი მიზანი მიხეილ სააკაშვილის გათავისუფლება და ვადამდელი არჩევნების დანიშვნაა.
დედაქალაქის გარდა, ვარდების რევოლუციის 18 წლისთავი, ქვეყნის სხვადასხვა რეგიონშიც აღნიშნეს.
1
s
s
s