16, ივლისი 2020 19:11:00
პანდემიით გამოწვეული შეზღუდვების მიუხედავად, ბათუმის საზღვაო აკადემიის ათი სტუდენტი, საერთაშორისო საზღვაო პრაქტიკას, გერმანულ კომპანიაში გაივლის. მომდევნო ერთი წლის განმავლობაში, მსგავსი შესაძლებლობა ეტაპობრივად, კიდევ 100 ახალგზარდას მიეცემა. მომავალ მეზღვაურებს დღეს დამსაქმებელი კომპანიების წარმომადგენლები და საზღვაო ტრანსპორტის სააგენტოს ხელმძღვანელი, თამარ იოსელიანი შეხვდა. პროექტი ურთიერთთანამშრომბლობის მემორანდუმის ფარგლებში ხორციელდება, რომელიც საზღვაო ტრანსპორტის სააგენტოს, საზღვაო აკადემიასა და აჭარის მთავრობას შორის 2019 წელს გაფორმდა.